Whatsapp-ல் பணம் அனுப்புபவரா நீங்கள்? உங்களுக்குதான் இந்த செய்தி!

வாட்ஸ் அப் UPI சேவைக்கு சட்டப்பூர்வ பெயரை, வாட்ஸ் அப் பெயராக வைப்பது கட்டாயம் என அந்நிறுவனம் புதிய அப்டேட் ஒன்றை வெளியிட்டுள்ளது.

ஃபேஸ்புக் நிறுவனத்திற்கு சொந்தமான வாட்ஸ் அப், இந்தியாவில் உள்ள பயனாளிகள் இனி வாட்ஸ் அப் மூலம் பண பரிவர்த்தனை மேற்கொள்ளலாம் என கடந்த சில ஆண்டுகளுக்கு முன் அறிவித்தது. இதன் மூலம், மெசேஜ் அனுப்புவது போலவே மிக எளிதாக பண பரிமாற்றம் செய்யலாம் என்றும் வாட்ஸ் அப் தெரிவித்தது. அதன்படி தற்போது வாட்ஸ் அப் மூலம் பண பரிவர்த்தனை மேற்கொள்ளும் வசதி தற்போது நடைமுறையில் உள்ளது.

வாட்ஸ் அப் செயலியை திறந்தவுடன், மேலே வலது பக்கம் இருக்கும் மூன்று புள்ளிகளை கிளிக் செய்தால், அதில் ‘Payments’ என்ற தேர்வு இருக்கும் அதை கிளிக் செய்ய வேண்டும். அடுத்து ‘Add payment option’ கிளிக் செய்து, உங்கள் வங்கிக்கணக்கு உள்ள வங்கியை தேர்வு செய்யவும். வங்கிக் கணக்கு விவரங்களை கொடுத்தவுடன், ஓடிபி மூலம் அது சரிப்பார்க்கப்படும். உங்களின் வாட்ஸ் அப் எண்ணும், வங்கியில் பதிவு செய்திருக்கும் எண்ணும் ஒன்றாக இருப்பது அவசியம். ஓடிபி உறுதி செய்யப்பட்டப்பின் ’Done’ என்பதை க்ளிக் செய்யதவுடன், அடுத்து உங்களின் யூபிஐ ஐடி-யை நீங்கள் பேமண்ட் ஆப்ஷனில் காணமுடியும். அதோடு இணைக்கப்பட்ட உங்களின் வங்கி விவரமும் அதில் வந்துவிடும். அதன்பிறகு விரும்பிய நபருக்கு பண பரிவர்த்தனை மேற்கொள்ள முடியும் என்ற நடைமுறை இருந்தது.

இந்நிலையில், புதிய அப்டேட் ஒன்றை வாட்ஸ் அப் தெரிவித்துள்ளது. அதில், யாரெல்லாம் வாட்ஸ் அப் UPI சேவையை பயன்படுத்துகிறீர்களோ அவர்கள் கட்டாயம் சட்டப்பூர்வ பெயரை தமது வாட்ஸ் அப் பெயராக வைக்க வேண்டும் என தெரிவித்துள்ளது. அந்த பெயர் தங்களின் வங்கியில் உள்ள பெயராகவும் இருக்க வேண்டும் எனவும் தெரிவித்துள்ளது. இதன்மூலம், UPI சேவையை பயன்படுத்தி பண பரிவர்த்தனை மேற்கொள்ளும்போது சட்டப்பூர்வ பெயர் பணம் பெறும் அல்லது பணம் அனுப்பும் நபருக்கு காட்டும் என தெரிவிக்கப்பட்டுள்ளது.

மேலும், NPCI பரிந்துரையின் அடிப்படையில் மட்டுமே இந்த அப்டேட்டை கொண்டுவந்துள்ளதாக தெரிவித்துள்ள வாட்ஸ் அப், UPI சேவையை பயன்படுத்தி நடைபெறும் பண பரிவர்த்தனை மோசடிகளை தடுக்கவே இதனை நடைமுறைப் படுத்தியுள்ளதாக தெரிவிக்கப்பட்டுள்ளது. இதற்கு முன்பு, வாட்ஸ் அப் Profile Name 25 எழுத்துக்களில் விரும்பிய emojis உடன் வைக்கும் வசதியுடன் இருந்தது குறிப்பிடத்தக்கது. குறிப்பிட்ட நாடுகளில் மட்டும் பயன்பாட்டில் உள்ள இந்த வாட்ஸ் அப் மூலம் பண பரிவர்த்தனை நடைமுறையை, பெரிய அளவில் விரிவாக்க அந்த நிறுவனம் திட்டமிட்டு இருப்பதாக கூறப்படுகிறது.

6-G அலைக்கற்றையின் சிறப்பம்சங்கள்

5G தொழில்நுட்பம் தற்போது உலகின் பல நகரங்களில் பயன்படுத்தப்பட்டு வருகிறது. அதனை முன்னோடியாக வைத்து 6G அலைகற்றையை செயல்பாட்டுக்குக் கொண்டுவருவதற்கான பணிகளும் தொடங்கப்பட்டுவிட்டன.

6G தரவு வேகம் (data speed), 5ஜி-ஐ விட அதிக நம்பகத்தன்மையை வழங்கும். பயனர்களுக்கு மேம்பட்ட அனுபவத்தை வழங்கும் ஆம்பியண்ட் இன்டர்நெட் ஆஃப் எவ்ரிதிங் (AIoE) பயன்படுத்தப்படுகிறது. எல்ஜி 2019 ஆம் ஆண்டில் KAIST உடன் 6G ஆராய்ச்சி மையத்தை நிறுவி, 6G தொழில்நுட்பங்களைப் படிப்பதற்காகக் கொரிய ஆராய்ச்சி நிறுவனம் மற்றும் தரநிலை மற்றும் அறிவியல் நிறுவனத்துடன் கடந்த ஆண்டு ஒரு ஒப்பந்தத்தில் கையெழுத்திட்டது.

அண்மையில் டிராய் அமைப்பின் வெள்ளி விழா கொண்டாட்டத்தில் பேசிய பிரதமர் மோடி, 5G தொழில்நுட்பம் நமது நாட்டின் ஆட்சி நிர்வாகம், வாழ்வியல் முறையை எளிமைப்படுத்துதல், வணிகம் போன்றவற்றிலும் சாதகமான மாற்றங்கள் ஆகியவற்றைக் கொண்டுவரப் போகிறது.

விவசாயம் சுகாதாரம், கல்வி உள்கட்டமைப்பு மற்றும் தளவாடங்கள் என அனைத்துத் துறைகளிலும் 6G அலைக்கற்றையின் வருகை வளர்ச்சியை அதிகரிக்கும். எனவே, 5G தொழில்நுட்பத்தை விரைவாக கொண்டு வருவது அவசியம். 2030ம் ஆண்டுகளுக்குள் 6G அலைக்கற்றையைக் கொண்டுவர இந்தியா இலக்கு நிர்ணயித்துள்ளது.

5G மற்றும் 6 G நெட்வொர்க்குகள் அதிவேக இணையத்தை மட்டும் வழங்காது. வேலைவாய்ப்பு மற்றும் பொருளாதார வளர்ச்சியையும் ஊக்குவிக்கும் என்று பிரதமர் தெரிவித்திருந்தார்.

6G-இன் சிறப்பு அம்சம்

• விஸ்டம் இணைப்பு AI (செயற்கை நுண்ணறிவு) உதவியுடன் அறிவார்ந்த இணைப்பு
• ஆழமான இணைப்பு
• ஹாலோகிராபிக் இணைப்பு என்பது AR (ஆக்மென்டட் ரியாலிட்டி) / VR (விர்ச்சுவல் ரியாலிட்டி) பயன்படுத்தி எங்கும் தடையற்ற கவரேஜைக் குறிக்கிறது.
• விண்வெளி, காற்று, தரை மற்றும் கடல் ஆகிய அனைத்து பகுதிகளிலும் தங்கு தடையற்ற இணைப்பு ஆகிய அம்சங்கள் இருக்கும் வகையில் 6G உருவாக்கப்பட்டு வருகிறது.

6G யால் ஏற்படும் நன்மைகள்

• இது ஒரு கிமீ 2க்கு 10 x 105 என்ற 5G திறனை விட அதிக எண்ணிக்கையிலான மொபைல் இணைப்புகளை ஆதரிக்கும் வகையில் வடிவமைக்கப்பட்டுள்ளது.
• 6G சுகாதாரப் பாதுகாப்புத் துறையில் புரட்சியை ஏற்படுத்தும். 5Gயை விட அதிக நம்பகத்தன்மை கொண்டதாக இருக்கும்.
• 6G தொழில்நுட்பத்தில் உட்புற கவரேஜ் தடையின்றி கிடைக்கும்.
• 6G THz (Terahertz) அதிர்வெண்களைப் பயன்படுத்துகிறது. இது பல நன்மைகளைக் கொண்டது. THz அலைகள் காற்றில் அதிவேக தகவல் தொடர்புகளுக்கு பயனுள்ளதாக இருக்கும். இது பாதுகாப்பான தகவல் தொடர்புக்கு வழிவகுக்கும்.
• 6G மிக குறைந்த காலத்தில் அதிக தரவை வழங்குகிறது. எனவே பல பயன்பாடுகள் 6G வயர்லெஸ் நெட்வொர்க்குகளைப் பயன்படுத்தலாம்.

குறைபாடுகள்

தொழில்நுட்பம் ஆராய்ச்சி மற்றும் மேம்பாட்டில் இருப்பதால், சோதனை மற்றும் சோதனைக்காக 6G அமைப்பை நிறுவும் வரை, 6G இன் எந்த குறிப்பிட்ட குறைபாடுகள் அல்லது தீமைகள் குறித்து இப்போது முடிவு செய்ய முடியாது.

• 6Gயில் புதிய நெட்வொர்க் கட்டமைப்பை வடிவமைப்பது சவாலான விஷயமாகும்.
• 6Gயில் பயன்படுத்தப்படும் டெராஹெர்ட்ஸ் THz (Terahertz) இன் குறைபாடுகள் 6G வயர்லெஸ் தொழில்நுட்பத்தின் குறைபாடுகளாகக் கருதப்படலாம். குறைந்த ஆற்றல் மற்றும் குறைந்த விலை 6G சாதனங்களை வடிவமைப்பதில் செயலாக்க சக்தி பெரும் சவாலாக உள்ளது.
• 6G அதன் தகவல்தொடர்புகளின் ஒரு பகுதிக்கு புலப்படும் ஒளி அதிர்வெண்களைப் பயன்படுத்துகிறது. எனவே VLC இன் குறைபாடுகள் 6G வயர்லெஸ் தொழில்நுட்பத்தின் குறைபாடுகளாகக் கருதப்படலாம்.
• அதிக எண்ணிக்கையிலான டெர்மினல்கள் மற்றும் நெட்வொர்க்கிங் உபகரணங்களை நிர்வகிப்பதற்கு மிகவும் திறமையான மற்றும் குறைந்த ஆற்றல் நுகர்வு 6G அமைப்பு அவசியம். இதை நிறைவேற்ற, நெட்வொர்க் மற்றும் டெர்மினல் உபகரணங்கள் சுற்று மற்றும் தகவல் தொடர்பு நெறிமுறை அடுக்கு வடிவமைப்பு ஒரு சவாலாக உள்ளது.

ICT Tools for Education

ICT Tools for Education

• MS PowerPoint---to create slide presentation

• MS Word----to create text documents

• Google Apps----Google Apps facilitates the provisioning of Google applications and user/enterprise management tools, including Gmail, Google Talk, Google Calendar, Google Docs, Google Slides, Google Forms, Google Videos and Google Cloud Connect.

• Quiziz---- to learning platform that offers multiple tools to make a classroom fun, interactive and engaging

• Socrative ---- allows a teacher to put questions to students through a free app that they have downloaded onto their smart phones or tablets

• Kahoot------to increase engagement, motivation, enjoyment, and concentration to improve learning performance and classroom dynamics.

• Mentimeter----Engage with students using live polls, word clouds, quizzes, multiple-choice questions and more. Track learning and understanding by asking questions and downloading results. Communicate and interact with your students.

• Prezi----Prezi is a new way to present presentations

• Geogebra----GeoGebra is a dynamic mathematics software for all levels of education that brings together geometry, algebra, spreadsheets, graphing, statistics and calculus in one engine

• Blendspace----Blendspace is a way to avoid fumbling with flash drives, losing valuable class time opening emails and attachments.

• Padlet----Padlet is an extremely easy-to-use tool that allows learners to collaborate online by posting text, images, links, documents, videos and voice recordings.

Translation - தமிழாக்கம்

தினம் ஒரு தகவல்

தமிழாக்கம் 

1. WhatsApp – புலனம்

2. YouTube – வலையொளி

3. Instagram – படவரி

4. WeChat – அளாவி

5.Messenger – பற்றியம்

6.Twitter – கீச்சகம்

7.Telegram – தொலைவரி

8. Skype – காயலை

9.Bluetooth – ஊடலை

10.WiFi – அருகலை

11.Hotspot – பகிரலை

12.Broadband – ஆலலை

13.Online – இயங்கலை

14.Offline – முடக்கலை

15.Thumb Drive – விரலி

16.Hard Disk – வன்தட்டு

17.GPS – தடங்காட்டி

18.CCTV- மறைகாணி

19.OCR – எழுத்துணரி

20 LED – ஒளிர்விமுனை

21.3D – முத்திரட்சி

22.2D – இருதிரட்சி

23.Projector – ஒளிவீச்சி

24.Printer – அச்சுப்பொறி

25.Scanner – வருடி

26.Smart Phone – திறன்பேசி

27.Simcard – செறிவட்டை

28.Charger – மின்னூக்கி

29.Digital – எண்மின்

30.Cyber – மின்வெளி

31.Router – திசைவி

32.Selfie – தம் படம் – சுயஉரு

33 Thumbnail – சிறுபடம்

34.Meme – போன்மி

35.Print Screen – திரைப் பிடிப்பு

36.Inket – மைவீச்சு

37.Laser – சீரொளி

கல்லூரி மாணவர்களுக்கு 450 மணிநேரம் இன்டர்ன்ஷிப் கட்டாயம்-UGC.

கல்லூரி மாணவர்களுக்கு 450 மணிநேரம் இன்டர்ன்ஷிப் கட்டாயம்-UGC.

கல்லூரியில் படிக்கும் அனைத்து மாணவர்களுக்கும் குறைந்தபட்சம் 450 மணிநேரம் இன்டர்ன்ஷிப் செய்ய வேண்டும் என்று பல்கலைக்கழக மானியக் குழு முடிவெடுத்துள்ளது.

மாணவர்கள் இரண்டு வகையான ஆய்வு பயிற்சிகளை மேற்கொள்ளலாம். அதாவது ஆய்வு மனப்பான்மையை வளர்க்கவோ, தங்களுடைய வேலைவாய்ப்புகளை அதிகரிக்கவோ மாணவர்கள் இந்த பயிற்சியை பயன்படுத்திக்கொள்ளலாம்

நான்கு வருட காலம் இளங்கலை படிக்கும் மாணவர்கள் சுமார் 20 கிரெடிட்டுகளை பெறுவதற்கான பயிற்சியை மேற்கொள்ள வேண்டும். டிப்ளமோ பட்டம் அல்லது சான்றிதழ் படிப்புடன் வெளியேறும் மாணவர்கள் நான்காவது செமஸ்டர் (அல்லது) இரண்டாவது செமஸ்டரில் 8 முதல் 10 வார பயிற்சியை மேற்கொள்ள வேண்டும்.

அதேபோல் நான்காவது அல்லது இரண்டாவது செமஸ்டர் தேர்வுக்கு பிறகு பட்டப் படிப்பை முடிக்கும் மாணவர்கள் விருப்பத்தின் அடிப்படையில் ஆய்வு பயிற்சியை எடுத்துக்கொள்ளலாம். இவர்கள் ஆய்வு நிறுவனங்கள் அல்லது உயர்கல்வி நிறுவனங்கள் அல்லது மேம்பாட்டு ஆய்வகங்கள் அல்லது தொழில்துறை ஆராய்ச்சிகளில் ஆய்வு பயிற்சிகளை மேற்கொள்ளலாம்.

நான்கு வருட காலம் பட்டப்படிப்பு மாணவர்கள் 450 மணி நேரம் ஆய்வு பயிற்சி மேற்கொள்ள வேண்டும்.

தன்னுடைய பயிற்சி காலத்தில் ஒவ்வொரு ஆய்வு பயிற்சியாளரும் 450 மணி நேர ஆய்வு பணியை மேற்கொள்ள வேண்டும்.

ஆய்வு பயிற்சியை மாணவர்கள் வேறு உயர்கல்வி நிறுவனங்களிலும், தாங்கள் படிக்கும் கல்வி நிறுவனங்களிலும் மேற்கொள்ளலாம். இந்த பயிற்சி மேற்கொள்ளும் மாணவர்களுக்காக ஆய்வு மேற்பார்வையாளரும் நியமிக்கப்படுவார்.

பல்கலை.களுக்கு வேந்தரோ, துணைவேந்தரோ தேவைதானா?

தமிழ்நாடு சட்டமன்றத்தில் துணைவேந்தர்கள் நியமனம் குறித்துக் கொண்டுவரப்பட்டிருக்கும் சிறப்புச் சட்ட முன்வடிவு, தமிழ்நாட்டுக்கு இன்றைய சூழ்நிலையில் மிகவும் தேவையான ஒன்றாகும். இந்தச் சட்ட முன்வடிவு, மாநில அதிகாரங்களை உறுதிப்படுத்தவும் மக்களால் தேர்ந்தெடுக்கப்பட்ட அரசின் கடமைகளை நிறைவேற்றவும் பெரிதும் பயன்படும்.

50 ஆண்டுகளுக்கு முன்னால் சென்னை பல்கலைக்கழகமும், மதுரை பல்கலைக்கழகமும் மட்டுமே இருந்தன. ஆனால், தற்போது 10-க்கும் மேற்பட்ட பல்கலைக்கழகங்கள் வந்துவிட்டன. மாநில அரசின் கொள்கையாக மாவட்டத்திற்கு ஒரு பல்கலைக்கழகம் என மாநில அரசு தொடங்கும் நிலையில், ஆளுநர் அனைத்துப் பல்கலைக்கழகங்களுக்கும் சென்றுவர முடியுமா?

இந்த அடிப்படையில் பார்த்தால், ஆளுநர் அரசமைப்பில் சொல்லப்பட்ட அவரது கடமையை நிறைவேற்றுவதற்குப் பதிலாகப் பல்கலைக்கழகங்களின் நிர்வாகத்தைப் பார்ப்பதே அவருக்குப் பெரிய பணியாக இருந்துவருகிறது. இதனால்தான் தமிழ்நாட்டின் ஆளுநர், சட்டமன்றத்தில் இயற்றப்பட்ட சட்ட முன்வடிவுகளுக்கு ஒப்புதல் அளிப்பதில்கூடத் தன் கடமையைச் சரிவரச் செய்ய முடியாமல், அவர் பதவியின் வழி வந்துள்ள பல்கலைக்கழக நிர்வாகத்தைப் பெரிதும் தன் கையில் எடுத்துப் பணியாற்றிவருகிறார்.

பிரிட்டிஷ் காலத்தில் ஆளுநர்கள் பல்கலைக் கழகத்தின் தலைவர்களாக இருந்த காரணத்தால் வேந்தர் என்று அழைக்கப்பட்டனர். ஏனெனில், அவர்கள் பிரிட்டிஷ் ராணியின் பிரதிநிதிகளாக இங்கு பணியாற்றினார்கள். அதிகாரம் பெற்ற ஆளுநர்கள் இருந்ததால் அவர்கள் பல்கலைக்கழக வேந்தராகவும் இருந்துவந்தனர். இந்தியா விடுதலை பெற்ற 1947-க்குப் பிறகு இந்தியாவின் எந்தவொரு தனிநபருக்கும் ராஜ அதிகாரம் இல்லை. இந்தியா ஒரு பரிபூரண ஜனநாயக நாடாக விளங்கிக்கொண்டிருக்கிறது.

பல்கலைக்கழகங்களுக்கு வேந்தரோ துணைவேந்தரோ இன்றைய சூழ்நிலையில் தேவைதானா என்பதையும் மாநில அரசு சிந்திக்க வேண்டிய தருணம் வந்துவிட்டது. ஆகவே, பல்கலைக்கழக வேந்தரைத் தலைவர் என்றும் துணைவேந்தர்களை துணைத் தலைவர் என்றும் மாற்றம் செய்திட வேண்டும். மத்தியப் பல்கலைக்கழகங்களில் குடியரசுத் தலைவர் நோக்கராக இருப்பதைப் போல் ஆளுநரை அதிகாரமற்ற நோக்கராக நியமிக்கலாம்.

மத்திய அரசால் நடத்தப்படும் பல்கலைக்கழகங்களில் கல்வியாளர்களைத் தலைவராக நியமிப்பதுபோல தமிழ்நாட்டில் உள்ள பல்கலைக்கழகங்கள் அனைத்திலும் சிறப்பு பெற்ற கல்வியாளர்களைத் தலைவர்களாக நியமிக்கலாம். மத்திய அரசின் மனிதவள மேம்பாட்டு அமைச்சகமே துணைவேந்தர்களை நியமிப்பதுபோல் மாநில அமைச்சரவையின் ஒப்புதலைப் பெற்றுத் துணைவேந்தர்களை நியமிக்கலாம். தற்போது கொண்டுவந்துள்ள சட்ட முன்வடிவு பெரிதும் தேவையானதாகும். இதனை ஆராய்ந்து மேற்கூறியதை ஆலோசிக்கலாம், நிறைவேற்றலாம்.